Spaniami gassimik qaartoortoqarmat arlallit aqqunartiterput
Spaniap avannamut kangisissortaani gassimik ullaaq qaartoortoqarmat inuit ikinnerpaamik 25-t aqqunartiterput, taakkunannga 17-it perulullutik. Nutaarsiassaqartitsivimmi Ritzauimi taama allaaserinnittoqarpoq.
Allattoq Louise M. Kleemann
Illoqarfissuup Barcelonap qanittuani illoqarfimmi Gava-mi inissiami pingasunik quleriilimmi gassi annertusiartorsimagunarluni qaartoorsimagunarpoq.
Meeqqat ikinnerpaamik sisamat aqqunartitertunut ilaapput.
Inissiamut qaartoorfiusumut qanittumi najugallit 50-it missaanniittut qimagussorneqartariaqarsimapput.