Spaniami arnat aaqarnermi nalaani napparsimasutut maanna nalunaarutiginnissinnaanngorput
Tassa suli aningaasarsiaqarluni aaqarnermi nalaani napparsimasutut nalunaarutiginnittoqarsinnaanngorpoq. Spaniami inatsisartut inatsisissatut siunnersuut sisamanngornermi taasissutigimmassuk siunnersuut amerlanerussuteqartunit tapersersorneqarpoq.
Spaniap Europami nunani siullersaalluni inatsit taamaattoq maanna atuutsilersippaa. Aaqarnermi nalaani suli aningaasarsiaqarluni napparsimanermik nalunaarutiginnissinnaaneq nunani ikittuinnarni maannamut atuuppoq. Japan, Indonesia Zambialu taakkununnga ilaallutik.
Node link
Title
Skotland er første land til at gøre bind og tamponer gratis
Arnat aaqarnermi nalaani anniaraanni napparsimanermik nalunaarutip qanorluunniit sivisutigisimasumik atuussinnaanissaa inatsisip nutaap aqqutissiuuppaa.
Napparsimanermi peqqinnissaqarfik aningaasartuuteqartassasoq
Napparsimanerulli nalaani suliffeqarfik aningaasarsiaqartitsisuunani Spaniami peqqinnissaqarfik aningaasarsiaqartitsisuussaaq.
Nakorsamit allagarsertissimasut aaqarnermi nalaani napparsimasutut Spaniami nalunaarutiginnissinnaapput.