Spaniami ajutoortoqarnerani inuit ikinnerpaamik 313-it aqqunartitertut
Spaniami Vigomi festivalerluni tusarnaartitsisoqarnerani isiginnaariat nikorfaffigisaat qisummik sanaajusoq sapaammi unnuakkut nakkaattoormat inuit ikinnerpaamik 313-it aqqunartiterput. Tallimat aqqunartitingaatsiarsimasut.
Allattoq Ritzau
Nutserisoq Bikki P. Kleist
Festivali talittarfeqarfimmi ulluni pingasuni ingerlanneqartoq naammassiliivissoq ajutoortoqarpoq.
Inuusuttorpassuit tusarnaariartut ilaat ajutoornermi imaanut sisoorsimapput, kingornalu uivernersuaqarlerluni.
- Inuppassuit nikorfaffigisimavaat tamatumalu kingunerisaanik nakkaassimassaaq talittarfimmi oqartussat taama oqarput.
Festivali ukiut tamaasa ingerlanneqartartoq nipilersornermik timersornermillu sammisaqarfiusarpoq.
/ritzau/AP