Spania silap pissusia pillugu ataatsimeersuarnissamik aaqqissuussiinnarusuttoq
COP 25-ssaanut Chile qaaqqusisuusussaagaluarpoq nunamili eqqissiviilliortoqanera pissutigalugu Chile qaaqqusisuujunnaartoq pingasunngornermi nalunaarutigineqarpoq.
Maannali silap pissusia pillugu ataatsimeersuarnissamut Spania qaaqqusisuujumavoq.
Naalagaffiit Peqatigiit silap pissusia pillugu ataatsimeersuartitsinissaannut qaammataannanngorpoq - ataatsimeersuarnissarli sumiissanersoq suli nalornissutaavoq.
Spaniami naalakkersuisunit tusarfik naapertorlugu Spaniap qaaqqusisuunissaa qularnanngilaq. Ataatsimeersuarnissarli sumi ingerlanneqassanersoq ataasinngorpat aalajangiiffigineqassaaq.
Spaniali qaaqqusisuunissamut neqerooruteqarpoq - ataatsimeersuarnissarmi qaammatip tulliani decembarip ulluisa aappaanniit 13-iata tungaanut pisussaavoq.
Chilemi eqqissiviilliortitsisoqartoq
Chilemi COP25-eqartussaagaluarpoq, amerikamili kujallermi nunami eqqissiviilliortoqangaatsiarnerat pissutigalugu Chile ataatsimiititsisuuniarnani pingasunngornermi nalunaaruteqarpoq.
Spaniamiut naalakkersuisuinit tusarfiup oqarnera naapertorlugu Spaniap ataatsimiititsisuunissaa qulakkeeqqalluinnaasappoq. Taamaattoqassappallu silap pissusia pillugu ataatsimeersuarneq Spaniami illoqarfiit pingaarnersaanni, Madridimi ingerlanneqassalluni.
Aalajangiineq tamanna tyskit illoqarfianni Bonnimi ataasinngornermi aalajangerneqarpoq.
- Piariingajapput. Ingerlatsinissamut periarfissaqarluarpugut, tusarfik oqarpoq.
Chilemi illoqarfiit annernit qassiiusut sapaatini akunnerni qassiiusuni akerliussutsimik sakkortusaarnertalimmik takutitsiffiupput, eqqissiviilliortoqarneralu pissutigalugu COP 25-mi ataatsimiitsitsisoqarsinnaanani.
AAMMA ATUARUK Tre mister livet efter uroligheder i Chiles hovedstad
Chilemi ilaasartaatinut akit qaffanneqarnissaata nalunaarutigineqarnerata kingornatigut akerliussutsimik takutitsisoqalerpoq.
Tamatuma kingorna akerliussutsimik takutitsinerit nunami assigiinngissuseqartitsinermut nalinginnaasumik tunngalerpoq.
Eqqissiviilliortoqarnerani maannamut inuit ikinnerpaamik 18-it toqutaapput, 7000-illu missaanniittut tigusarineqarlutik.
Chilep COP 25-mik aaqqissuussinissaminik taamaatitsinermi saniatigut Apec-imi niuerneq pillugu novembarimi ataatsimeersuartitsinissamut aaqqissuussisussaanini aamma taamaatippaa.
AAMMA ATUARUK Tusagassiorfik: USA-mut niuernikkut isumaqatigiittoqarsinnaanera Kinamit qularineqartoq
Chilep aaqqissuussisussatut taamaatitsineranut atatillugu Chilemi præsidenti, Sebastian Piñera pingasunngornermi ima oqarpoq:
- Aalajangiineq ajornaatsuunngilaq. Aalajangiineq annernarpoq, pissutigalugu Apecip COP 25-llu Chilemut nunarsuullu sinneranut qanoq pingaartiginera paasisinnaalluaratsigu.
Tamatuma kingorna Naalagaaffiit Peqatigiit silap pissusiata allanngoriartorneranut immikkoortortaqarfiani pisortap, Patricia Espinosap ”aaqqissuussisinnaasut allat” misissorneqaleruttortut nalunaarutigaa.
/ritzau/Reuters
