Arsaattarnerup oqaluttuarisaanerani spaniamiut aatsaavissuaq nunarsuarmi pissartanngorput. Holland sølvinnappoq, Tyskland bronzinnalluni.
Ajugaaniutivinnermi piffissaq atorneqartussaq naammassimmat, tassanilu isertitsisoqanngimmat, spaniamiut hollandimiullu unammeqqittussanngorput. Minutsit 117-issaanni spaniamiu Andrés Iniesta isertitsivoq. Tassalu taanna inerniuvoq: Spania ataaseraarluni ajugaavoq, hollandimiut illaagutitaartut.
Arsaanneq aallartilivissorlu arsaattunik nuannarisallit ilaata VM- pokali tunniunneqartussaq pissarsiarereeraluarpaa. Arsaattarfik napillugu arpareersorlu pokalimit meterimik ataatsimik ungasinngitsumut pisorlu isumannaallisaallutik nakkutilliisunit angut unitsinneqarpoq.