Internet-i aqqutigalugu webbankimik taallugu aningaaserivimmiittuutiminnik alakkaasinnaasut, spam-mailinik taaneqartartut pillugit Grønlandsbankimit aarlerisaarneqarput. Taakkualu pinerluutigineqarsinnaasut banki oqaluttuarpoq:
- Spam-maili virusimik imaqarpoq, webbankimullu isussutaasinnaasunik tillissinnaalluni.
Grønlandsbankip atuisartuni kajumissaarpai, nittartakkakkut allagarsiassat kikkunneersuunerinik ilisimanngikkaanni, allagarsiaq ammarnaveersaartaqqullugu.
Allagarsiaq taamaattoq ammartoorsimagaanni, ingerlaannartumik bankimut saaffiginninnissaq, aningaaserivimmit kajumissaarutigineqarpoq. Aviisi Sermitsiamilu allagarsiaasinnaasoq ima imaqarnerarneqarpoq:
"Emne: Regning
Indhold:
Kaere kunder!
Regning
Data er tillagt og sent med denne meddelelse.
Jeg bruger gratis antispamversion, som allerede har fjernt 227 spambreve.
Antispam er helt gratis for private brugere.
Vedhæftet: Regning.zip"