Sorsuttoqartarnera aningaasarsiorfiulluartarpoq

Sorsuffiliartussat atortussallu assartorneqartarput, tamannalu Danmarkimi assartuivissuup AP Møller Mærskip aningaasarsiorfigilluarsimavaa, taama Berlingskep nutaarsiassaqartitsivia allappoq.

USA-p naalagaaffiata assartuisarneranut, katillugit aningaasat 17 milliarder koruunit, 2000-miilli Mærskip isaatissimavai. Suliffeqarfiilli allat USA-p aningaasartuuteqartarneranut ilanngukkusukkaluartut ajornakusoortitsinerusarput.

Mærskip USA-mik suleqateqarluarluni aningaasarsiorluarnera, ukiorpassuit suleqatigiilluarsimanerup nassataraa, suleqatigiilluarsinnaanerlu pisariaqarpoq,

Anders Ladefoged, Dansk Industrimi-mi nioqqutinik tunisassiornermi politikkeqarnermi pisortaq oqarpoq.

- Assartuisarnermi niuerluarsinnaaneq tatiginarnerlu apeqqutaalluinnartarpoq, Anders Ladefoged oqarpoq nangillunilu: Aamma Irak-imi sorsunneq eqqarsaatigalugu, USA-mut Danmarkip illersuisuunera suliffeqarfinnit oqariartuutigineqartartoq, USA-mik aningaasarsiorfeqalersinnaanermut iluaqutaanngilaq. Sorsunneq apeqqusersornagu, USA-p suna maannakkorpiaq pisariaqartinneraa maluginiartariaqarpoq, aamma taamatut assartuissussinissami suut pikkoriffigisariaqarpat. Tassa tamakkuupput aningaasarsiorluarluni niuersinnaanermut pissutaaqataasut, anders Ladefoged oqarpoq. Danskit suliffeqarfii allat USA-p assartugassaannik assartuissussisartut taamaallaat 4 milliarder koruuninik isertitaqarsimapput.

- Tamanna takutitsiinnarpoq, USA-p naalagaaffianik sullissisinnaaneq qanoq ajornartiginersoq, Anders Ladefoged naggasiilluni taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat