Sorsunnersuup siulliup soraarneranit ukiut 91-it qaangiupput
Sorsunnersuup siulliup qaangiunnerata ullua nunarsuup ilaani arlalippassuarni malunnartinniarneqarpoq, Tuluit nunaannili immikkorluinnaq eqqaaniaasoqarluni, tassami Tuluit pingasut sorsunnersuarmik isiginnittuusimasut Bill Stone, Harry Patch aamma Henry Ellingham ukiup matuma ingerlanerani toqummata. Ellinghamip taakkunannga kingulliulluni toqusup 113-inik ukioqalernissani angumerigaluarpaa juulimilu toqulluni. Toqunngikkallarami 1914-imiit 1918-imut sorsunnermi inuit 100.000-it arlallit inuunerannik naleqartumi misigisarsimasani nuannaarluni oqaluttuarigajuttarpai.
- Sakkutooqatigiinni sakkutuujuffinni inuit 4.700-t tammarsimanersut toqusimanersulluunniit naluara, sorsunnersuarmi kingullermi aamma nammineq qanimut misigisimasamini toqutaasut eqqaaniarlugit nerersuaqatigiinnermi taama oqaluttuarpoq.