Sorsunnersuup aappaa Nunarpullu
Ullumikkut apriilip qulingiluaani ukiut 65-it qaangiupput Danmarki Tyskland-mit tinguagaammat. Ukiuni tallimani Danmarkip nazistinit tinguagaanerat ingerlavoq.
Danmarkip Tyskland-mit tinguagaasimanera Kalaallit Nunaannut sunniuteqarpoq, tassungalu tunngatillugu nunatta katersugaasivia ullumikkut saqqummersitsilluni aallartippoq.
Saqqummersitsinermi ersersinniarneqarpoq sorsunnersuup aappaani qanoq ililluni Kalaallit Nunaannut nioqqutissanik pilersuisoqarsimanersoq, aammalu nioqqutissanik killilersuilersimanermut Kalaallit Nunaata aamma eqqugaasimanera.
Kalaallit Nunaanni namminersulersinnaanermik eqqarsalerneq 1940-miit 1945-mut pisimasoq aamma Nunatta katersugaasiviata saqqummersitsinerani takuneqarsinnaapput
Kalaallit Nunaanni innuttaasut sorsunnersuup aappaani danskit ikiorniarlugit aningaasanik katersiniarsimanerat aamma saqqummersitsinermi takuneqarsinnavoq.
Saqqummersitsineq Junip 12-ata tungaanut ingerlanneqassaaq.
