Sorsunnersuarmi pinerluuteqartut kingullersaat eqqartuunneqalerpoq
Angut 89-nik ukiulik sorsunnersuup aappaani pinerluuteqarsimasutut eqqartuunneqalerpoq. Ivan "John" Demjanjuk, nakorsat naliliinerat naapertorlugu, eqqartuussivimmut sassartinneqarsinnaanngorpoq.
juulip 03-at 2009 13:14
Taamaasilluni eqqartuusssinissamut aporfiusinnaasoq kingulleq qaangerneqarpoq, sorsunnersuullu aappaani pinerluuteqarsimasut kingullersaat eqqartuunneqarsinnaanngorluni.
Demjanjuk, Ukrainimiunik siuleqartoq, ukiorpassuarni Amerikamut tunniunneqarniartarsimasoq, maajimi tunniunneqarpoq.
Tyskalandimilu eqqartuussivimmi sassartinneqaruni tigusanik inissiivimmi Sobiborimiittumi juutinik 29.000-inik toqutsisimasutut unnerluutigineqassaaq.
Demjamjuk tigusanik inissiivimmi paarsisuusimavoq, aamma Majdanekimi, Treblinkami FlossenBürgimilu sulisimanissaa ilimagineqarpoq.
Ivan Demjanjuk nammineq pinngitsuunerarpoq oqarlunilu tyskinit tigusaasimalluni.
Eqqartuussineq qaammatip ingerlanerani aallartinneqassasoq unnerluussisut ilimagaat.
