Sorlaat Partiiat: Juliane Henningsen allaanngilaq Lars-Emil Johansen
- Lars-Emil Johanseni marloqiusanik qinigaaffeqarnikuuvoq, Inuit Ataqatigiillu sinnerlugit Inatsisartunut qinigassanngortittup Juliane Henningsenip 2007-imi novembarip qaammataani oqaatigaa, Folketingimut qinigaassaraluaruni Inatsisartuni sulinerminit sulinngiffeqarallassalluni, Folketingimi sulineq iluamik iserfiginiassagamiuk, tamanna marloqiusamik periuseqaerneruvoq, Nikoline Ziemer oqarpoq.
Juliane Henningsen tamanna pillugu ima oqarpoq:
- Inuit Ataqatigiinni aalajangernikuuvugut pisumiit pisumut aalajangiisarniarluta. Taamaattumik sassarnissara partiitta siulersuisuini aalajangerneqarnikuuvoq. Qinersisartut nammineq aamma aalajangerumaarpaat suliamik uanga ingerlasseqqissanerlunga. Taamaammat toqqissisimallunga qinersisartunut, sulisitsisutsinnut aperissaagut suliarput naammagisimaneraat, Juliane Henningsen Radioaviisimut oqarpoq.
Nikoline Ziemerip, Sorlaat Partiianeersup "Lars-Emil 2"-tut taavaatit, tamanna qanoq oqaaseqarfigerusuppiuk?
- Politikereqatitta sorpassuartigut uparuartortarpaatigut, tamanna nutaarsiassaanngilaq, kisianni naliliisussat tassaaapput qinersisartut. Uangaluunniit sulinera nammineq ajunngitsumik nalileraluarukku taanna aalajangiisussaanngilaq. Aamma politikereqatitta nalilersoraluarunitigut aamma taanna aalajangiisussaanngilaq, aalajangiisussat tassaammata qinersisartut. Piffissaqarluarluni nukissaqarluarlunilu misigigaanni taava politikkikkut sulinissamut nukissaqartutut misigaluni sassarneq taanna qinersisartut nalilertussaassavaat, Juliane Henningsen oqarpoq.
