Sorlaat Partiiat atorunnaarsinneqassanngilaq

Nuuk Ugeavisip ippassaq saqqummersup parti atorunnaarneraraluarpaa, tamannali partip siulittaasuata Nikoline Ziemerip ajuusaarutigaa.
Allattoq Karsten Sommer
juunip 18-at 2009 07:33

Taanna juunip aappaanni Inatsisartunut qinersineqarmat parti sinnerlugu kisimiilluni qinigassanngortippoq, aamma parti unnugu Nuummi ukiumoortumik ataatsimeersuartussaagaluarpoq.

Taassuma Nuuk Ugeavisimi eqqunngitsumik paasissutissiineq pissutigalugu ukiumoortumik ataatsimeersuarnissaq aggustimut kinguartinniarlugu aalajangiuppaa, taamaalilluni partip siunissaa pillugu piffissaqarluarluni oqallissaarusiortoqarniassammat.

- Sooruna parti Inatsisartunut isertitaqanngitsoq? Sunaana pitsaanerusariaqaraluartoq? Ilaatigut apeqqutit tamakkua parti unnugu ataatsimeersualerpat oqaluuseritinniarneqaraluarput, maannali apeqqutit tamakkua partimik tapersersuisut aggustimi ataatsimiinnissamut

aasaanerani eqqarsaatigilluarsinnaagaat, Nikoline Ziemer oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk