Soraarsitsinissamik oqalunneq paasiuminaatsippaa
KNI-mi aningaasartuutikillisaasoqassammat soraarsitsiortortoqarnissaa ilimagisinnaallugu KNI-p pisortarisimasaata tunuartitaaqqammersup Gerhardt Petersenip ippassaq oqaaserisai paasiuminaatsillugit, KNI-mi pisortaanerugallartoq Frederik Olsen allappoq.
- Tunuarneranut atatillugu misigissutsinik aalassatitsisimanissaa naatsorsuutigisimavara, tupaallaatigaarali oqarmat sulisut 100-nik ikinnerunngitsut soraarsitaasinnaanerat eqqoriarsinnaallugu. Frederik Olsen erseqqissaavoq.
Frederik Olsen aamma allappoq, pisortaanerusimasup soraarsitsisinnaanermut oqaaserisai eqqumiigilluin-narlugit sunalu tunngavigineraa anguniarneraalu paasiuminaatsillugit.
- Nassuerutigaarput suliffeqarfiit Arctic Green Food aamma Assartuivik aningaasaqarnermikkut naapertuuttumik ingerlanngimmata, siunissamullu ataavartumik aaqqiissuteqarsinnaanissaq sulissutigaarput Namminersornerullutik Oqartussat allallu susassaqartut suleqatigilluinnarlugit. KNI-p pisortaanerugallagaa Frederik Olsen oqarpoq.
