Soraarsitsinerit amerliartuinnarput

Soraarsitaavutit. Kalaallit 66-it kingullertigut tamanna tusarsimavaat. Sulisut 35-t missaat kujataani fabrikkini sulisut soraarsitaasimapput, Air Greenlandimilu sulisut aqqanillit soraarsitaallutik. Aviisini sulisut qulingiluat, naqiterivinnilu sulisut sisamat tamatuma kingorna soraarsitaallutik.
Allattoq Mads Lynge
novembarip 03-at 2009 07:07

Qarasaasialerisut Sermit inunnik arfineq-marlunnik maanna soraarsitsisimasut AG-p maanna allaaseraa.

Suliffeqarfiulli pisortaata Ole Kielmann Hansenip soraarsitsinerit pillugit oqaaseqarusunngilaq, inuiaqatigiilli aningaasatigut ingerlaqqilernissaannut naalakkersuinermik suliaqartut qanoq iliuuseqartariaqarnerannut atatillugu oqaaseqarluni:

- Aningaasanut inatsisissap putumiit nulimut pisinnissaa piviusorsiornerunngilaq. Nunarsuarmi tamarmi aningaasatigut ajornartorsiornermut tunngatillugu nunat arlaannaalluunniit taamaaliunngillat, Ole Kielmann Hansen oqarpoq.

Kalaallit Nunaanni inuiaqatigiit aningaasatigut ingerlaqqilernissaat pillugu sanaartornerulertoqartariaqartoq, Kalaallit Nunaanni sulisitsisut peqatigiiffianni pisortaq Henrik Leth oqarpoq:

- Takorusupparput naalakkersuinermik suliallit suliassat nunatsinniitiinnaraat nunani allani suliffeqarfinnut ingerlatinnagit, Henrik Leth AG-mut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq