- Akilersuisussaatitaanermut naammassinnissimasut uppernarsaatinik takussutissaqaraanni taava akileraarutissap procentianik nutaamik tunineqassapput, Siverth Larsen oqarpoq.

Soraarnerusutisiassanut pinngitsoorani ileqqaarisussaatitaaneq: Akiitsut 1000 koruunit 100.000 koruunillu akornaniittut

Innuttaasut 7000-ingajaat 1000 koruunit 100.000 koruunillu akornanni akiitsoqarput. Tamaammat akileraarutaat qaffanneqarluni.

Marlunngorneq februaarip sisamaani nall. 12.05 naqqitaq: 

1000 koruunit 100.000 koruunillu akornanni.

Tassa innuttaasut 6.628-t 2018-imi soraarnerussutisiassaminnik naammattumik ileqqaarsimanngitsut akiitsui taama nikingatigaat.

Sorararnerussutisiaqalernissamut akiiliisarsimanngitsut, akiligassamik akilernissaata tungaanut qaavatigut amerlasuunik akileraassapput.

Innuttaasoq assersuutigalugu soraarnerussutisiaqalernissamut akilersukkamini 2018-imi 1.500 koruuninik akiliinisssamik amigaatearluni 48 procentinik akileraartussanngorsimaguni, akiligassat amigiaatigisani tamaasa akilersinnaavai akilerarnermilu nutaamik allagartartarluni.

Kalaallit Nunaanni innuttaasut pinngitsooratik soraarnerussutisiassanut ileqqaagaqalissasut Inatsisartut 2016-imi aalajangiuppaat.

Naak soraarnerussutisiaqalernissat aningaasaateqarfimmut akilersuingaluarluni akileraarummik qaffaaffineqarsimaneq asigiinngitsunik peqquteqarsinnaavoq.

Innuttaasut ilaat soraarnerussutisiaqarnissamut aningasaateqarfinnik ileqqaagaqarnissamut isumaqatigiissuteqarput, ileqqaagaalli inatsit naapertorlugu naammattumik amerlassuseqaratik.

Taakkua isertitamik procentianik aalajangersimasumik soraarnersussutisiaqalerrnissamut aaqqissuussinermut peqataasussaatitaanermut akiliisassapput. aningaasat akileraarutikkut ilanngaatigineqassapput, SISA-milu ileqqqaganngorlugu inissinneqassallutik. 

 

Innuttaasulli SISA-nngitsumi allamili soraarnerussutisiaqalernissamut ileqqaagaqareerunik, ileqqakkat nutaat soraarnerussutisiaqalernissamut ileqqaagaqarfigisamut nuunneqarsinaapput.

 

- Nammineq soraarnerussutisiaqalernissamut aaqqissuussinermik allamik peqarsimagaanni taava akileraartarnermut aqutsisoqarfik qinnuigineqarsinnaavoq tassunga pigeriikkamut nuuteqqullugit, akileraartarnermut aqutsisoqarfimmi pisortap tullia Siverth Larsen oqarpoq.

SISA-mit allamut nuutitsisinnaaneq upernaaru periarfissaalissasoq akileraartarnermik aqutsisoqarfiup naatsorsuutigaa.

Akiitsut akilerneqareerpata akileraarut appaqqissasoq

Soraarnerusutisiassanilli ileqqaagaqarsimanerit takussutissartalimmik uppernarsarsinnaagukku akileraarutigisartagaq qaffaavigineqanngitsoq atorneqaqqilissaaq.

Suliaq naatsumik

- Innuttaasut 6.828-t soraarnerusutisiaqarnissamut aaqqissuussinermut peqataasussaatitaanermut akiliisarsimanngillat. Taamammat Akileraartarnermut Aqutsisoqarfik aningaasanik amigaataasunik akiliisitsiniarpoq.

- Tassa imaappoq innuttaasut 6.628-t inatsit malillugu soraarnerusutisiassanut nammineq katersisussaatitaanermut akiliiniassammata taakku ukioq manna akileraaruteqarnerusariaqarput.

- Innuttaasut qanoq aningaasarsiaqartiginerat apeqqutaalluni 2 procentip 6 procentillu akornanni akileraarnerutinneqassapput.

- Soraarnerusutisiaqalernissamut aaqqissuussamut peqataasussaatitaaneq januaarip aallaqqaataat, 2018-imi atuutilerpoq, Namminersorlutik Oqartussalli Akileraartarnermut Aqutsisoqarfillu akileraarutip procentiata qaffanneratigut soraarnerussutisiassanut aatsaat ukioq manna akiliisitsipput.

- Akilersuisussaatitaanermut naammassinnissimasut uppernarsaatinik takussutissaqaraanni taava akileraarutissap procentianik nutaamik tunineqassapput, Siverth Larsen oqarpoq.

AAMMA ATUARUK SISA katersisussaaneq pillugu: - Suliassagut annertusissapput

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat