Soraarnerussutisiallit periarfissaqalerput
Soraarnerussutisiallit siusinaarlutillu soraarnerussutisiallit illutik nutarternissaannut periarfissaqalerput. Nutarterinissamummi taarsigassarsisinnaanermut qinnuteqarfissaq nutaaq saqqummeqqammerpoq
Soraarnerussutisiallit annerpaamik 150.000 koruuninik taarsigassarsisinnaapput.
Allattoq Dorthea Johansen
marsip 02-at 2017 15:20
Soraarnerussutisiaqartuulluni illup nammineq pigisap iluarsaannissaanut nutarternissaanullu akissaqarnisarnissaq ajornakusoorsinnaasartoq, soraarnerussutisiallit arlallit ilisimassajunnarsivaat.
Soraarnerussutisiallilli siusinaarlutillu soraarnerussutisiallit illumi aserfatsaaliuinissamut taarsigassarsinissaminnut periarfissaqalertut, Ineqarnermut Naalakkersuisoqarfiup quppersagaaranngorlugu saqqummiuteqqammerpaa.
Illu nutarsagassaappat iluarsagassaappat aserfallatsaaliugassaappalluunniit annerpaamik 150.000 koruuninik taarsigassarsisoqarsinnaasoq allaaserineqarpoq.
Tamanna pillugu Qanorooq unnugu nalunaaqutaq arfineq-marlunut aallakaatinneqarpat paasisaqarnerusinnaavutit.
