Soraarnerussutisiallit aamma siusinaartumik soraarnerussutisiallit Sarfaq Ittummut aasaanerani ilaaffissani ammaannartuni 25%-inik akikillisaaffigineqassappput.

Soraarnerussutisiallit Arctic Umiaq Linemi akikillisaavigineqartut

Soraarnerussutisiallit siusinaarlutillu soraarnerussutisiallit aasamut Arctic Umiaq Linep umiarsuaanik Sarfaq Ittumik angalanissamut 25 procentinik akikillisaaffigineqarput. Umiarsuarmi inini ammaannartuni billitsit atuupput.

Ineqarnermut Attaveqaqatigiinnermullu Naalakkersuisoq Karl Frederik Danielsen tusagassiuutinut taama nalunaateqarpoq. Akikillisaanissamik Ineqarnermut Attaveqaqatigiinnermullu Naalakkersuisoqarfik umiarsuaatileqatigiiffillu Arctic Umiaq Line isumaqatigiissuteqartuupput.

Soraarnerussutisiallit aamma siusinaartumik soraarnerussutisiallit Sarfaq Ittummut aasaanerani ilaaffissani ammaannartuni 25%-inik akikillisaanneqartalernissaannik

Naalakkersuisut siunnersuutaat inatsisartunit tapersersorneqarmat Naalakkersuisoq Karl Frederik Danielseip nuannaarutigaa.

- Arctic Umiaq Line A/S-ip sinerissami ilaasunik angallassinerani suleqatigiinnerup pitsaasumik tatiginniffiusumillu ingerlanneqarnera, aammalu angalasunut atugassarititaasut pitsanngorsartuarniarlugit umiarsuaatileqatigiiffiup suleqatigineqarnera nuannaarutigisorujussuuara, Karl Frederik Danielsen taama oqarpoq.

Umiarsuarmi inini ammaannartuni akikillissaaneq junip ulluisa aallaqqaataanit aggutsip 31-ata tungaanut atuutissasoq, Arctic Umiaq Line taama paasissutissiivoq.

Soraarnerussutisiallit angalanerminni kingullermik 2016-mi akikillissaavigineqarnertut, Arctic Umiaq Linemi teamleder Erna Møller taama oqarpoq.

Soraarnerussutisiallit siusinaarlutillu soraarnerussutisiallit tamakkiisumik akiliillutik bilitsisereersimagunik, akit assigiinngissutaat Arctic Umiaq Line A/S-imit utertissinnaagaat, tusagassiuutinut nalunaarummi erseqqissaatigineqarpoq.

Angallaffiunnginnerpaasuni soraarnerussutisiallit aamma siusinaarlutik soraarnerussutisiallit affaaannarmik akiliillutik angalasinnaasarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat