Soraarnerup pinngitsaaliisitsisarsimanini nassuerutigigaa
Kanngutsaatsuliornerit Filippineriniit toqqaannartumik videokkut angutip qarasaasiaanut attavilerlugit nassiussorneqartarsimapput. Tamakku pinerini angutip qanoq pisoqarnissaa aalajangersortarsimavaa.
Unnerluussisussaatitaasup oqaatigaa meeqqat atornerlunneqartut amerlasuut taamaallaat pingasunik-sisamanik ukioqartuusut. Unnerluussaasulli tamanna eqqunnginnerarpaa.
Ataatsimut isigalugu angut sulianut 346-nut pisuutinneqarpoq, 2011-miit 2016-imut pinngitsaaliinernut atornerluinernullu peqataasimasutut.
Naalagaaffiup politiivi isumaqarput nunarsuup oqaluttuarisaaneranut atasoq. Aatsaavissuaq inuk ataaseq kanngutsaatsuliornernut taama amerlatigisunut pisuutinneqarpoq.
Unnerluussisussaatitaasup angutip tigummigallagassanngortinneqarnissaa piumasaraa.
/ritzau/