Sophie Petersen Ilagiit Kristumiut Kattuffissuanni ingerlaqqissaaq

Nunatta biskoppia Sofie Petersen, Nunarsuatsinni ilagiit kristumiut kattuffissuannit, Nunatta biskoppiatut toqqarneqaqqippoq. Aviisi Kristeligt Dagblad taama allaaserisaqarpoq.
Allattoq Mads Lynge
novembarip 07-at 2013 07:10

Ilagiit Kristumiut Kattuffissuanni ilaasortat tassaapput nunani tamalaani ilagiit kristumiut oqaluffiisa 345-t ataatsimoorfiat. Oqaluffiit nunanit 110-neersut ilagiit kattuffissuanni ilaasortaapput, Korea Kujallermilu illoqarfimmi Busanimi ataatsimeersualeruttorlutik.

Sofie Petersenip Nunatta biskoppiatut toqqarneqaqqinnerata saniatigut, Kirsten Auken, Ilagiit danskit ikiuiniaqatigiiffianni politikkikkut siunnersorti, Nunarsuatsinni Ilagiit Kristumiut Kattufissuanut ilaasortatut aamma qinerneqarpoq.

Sofie Petersen, Nunarsuatsinni Ilagiit Kristumiut Kattuffissuanni 2006-imili ilaasortaavoq, nunap inoqqaavi sinnerlugit ilaasortaalluni. Taanna biskoppitut ukiuni tulliuttuni arfineq-marlunni sulisinnaanngorpoq.