Sooq nuuttarnermut eqqoriaanerit arlaqartut

Nunani kiannerusuni najugaqarniarlutit amerlasuut sooq nuuttarnersut pillugit immersuititsinermik misissuineq naammanngilaq. Inuit Ataqatigiit itinerusumik misissuisitserusuttut taama isumaqarput.
maajip 09-at 2016 17:00
Nutserisoq Connie Fontain

Misissuinerit qanoq ingerlanneqassanersut isumaqatigiinngissutigineqaraluartoq, misissuinissap pingaartinneqarnera ersarissumik taperserneqarpoq. 

Oqaaseqartittakkallu oqaatigisaat naapertorlugit nunarput qimallugu sooq inuit nuuttarnersut partiit eqqoriaaneri maannakkumut arlaqalereerput.

Ilinniartunut piumasaqatit qaffasippallaarsinnaaneri, Inuit Ataqatigiit tikkuarpaat. 
Danmarkimilu Herstedvesterimi parnaarussivimmiittut Nunatsinnut isertitsivittaassamut nutaamut angerlarusunnginnerannut, tarnip pissusaannik ilisimasallit amigaataanerat peqqutaasoq Inuit Ataqatigiinnit aamma maluginiarneqarpoq. Aammattaaq innuttaasut ikiorneqarnerusariaqartut, Inuit Ataqatigiiit isumaqarpuit.

Aamma atuaruk Nunatsinniit aallartut pillugit nalunaarusiaq

- Innuttaasut pisariaqartitaminnik tapersorneqarlutik ikiuutissanillu tunineqarnertik malugigaluarunikku nunatsinniiginnarnissartik orniginarnerutissagaluarpaat. Inuit Ataqatiigiit oqaaseqartittagaat taama oqarpoq. 

Siumumiillu Jess Svane allappoq, taamatuusorinninneq aallaavigalugu oqallissinnaagunaraluaqalutik, kisiannili eqqoriaanerit aallaavigalugit oqallittoqannginnissaa periarfissaagaluartoq.

Tamassumalu kingorna peqqississaqarfiup soraarnerussutisiassallu aaqqissuunneri, ilaquttat Danmarkimiittut, pisisinnaassuseq ilinniagaqarnerlu nuuttarnermut peqqutaasutut tunngavilersuutigineqarsinnaasut, Jens Svanep eqqoriarpaa. 

Nuuttarneq annertuserujussuarsimasoq Partii Naleraq isumaqarpoq. Innuttaasummi pingajorarterutai nunarput qimallugu aallartartartut eqqarsalersitsitsisumik allappaat. Frankrigimilu innuttaasut 66 millioniusunit 22 millionit nunartik qimallugu aallaraluarpatamut tamanna sanilliullugu. Qujanartumilli taama ingasatsiginngilaq, innuttaasut kisitsisaat 2005-imi 56.969-imut qaffappoq, ullumikkullu inuit 1000-inik innuttakinnerulluta.

Nuuttarneq pillugu nuuttarneq.gl-imi immersuigit