Sonari arferit saperpaat

aggustip 06-at 2008 15:03

Arferit aqqartartut sonariisa qinngornerinik eqqorneqaraangamik neriumajunnaarlutillu aqqarumajunnaartarput. Taama inerniliivoq tuluit sakkutooqarnermut qullersaqarfia nalunaarusiamini. Amerikamiup immap uumasuinut immikkut ilisimasallip ilisimatusareerluni uppernarsivaa sonarip qinngornerisa arferit paatsiveerutsittarai. Tuluit sakkutooqarnermut qullersaqarfiata nalunaarusiaa 2007-mi suliarineqarpoq 2006-mi aqqartartut atorlugit sungiusarnermi paasisat tunngavigalugit. Aqqartartut sungiusarmata paasineqartunut ilaavoq sonarip qinngorneri sakkukittunnguungaluilluunniit arfernut sunniuteqarnerluttartut. Amerikamiut atuagassiaat Nature naapertorlugu amerikamiup ilisimatuup allap uppernarseqqammerpaa sonarip nipaa aarluit qarlortarnerannut eqqaanarmat arfeeqqat siggukkaat aamma paatsiveerussutigisaraat.