Somaliamiu aqagu eqqartuunneqassaaq

Danmarkimi Muuamaamik ilaarutiginnilluni titartaasumut ulimaammik saassussisoq peqqarniisaarniatut pineqaatissinneqartussanngorpoq.
Allattoq Najaaraq Egede
februaarip 03-at 2011 16:06

Somaliamiu 29-nik ukulik Muuamaamik ilaarutiginnilluni titartaasumik Kurt Westergaardimik angerlarsimaffianut iserluni ulimaat savillu atorlugit saassussisoq, peqqarniisaarniatut ullumi eqqartuunneqarpoq.

Aarhusimi Eqqartuussivimmi aalajangeeqataasussat nævningit isumaqatigiillutik angutip titartaasartup Aarhusimi angerlarsimaffianut iserluni ulimaat tigullugu qunusaarisimanera siorna ukiortaami pisoq peqqarniisaarniarnertut nalilerpaat.

Somaliamiu peqqarniisaarniarsimasutut toqutseriarsimasutullu pisuutinneqarpoq.

Eqqartuussut atuarneqarmat Somaliamiup Kurt Westergaardip angerlarsimaffianut iserluni toqutseriarnera, aamma innuttaasut sinnerinik ersiortitseriarnerusoq inuiaqatiinnillu eqqissisiviilliortitseriarnerusutut nalilerneqarpoq, taamaattumillu peqqarniisaarniarnertut nalilertariaqartutut oqaatigineqarluni.

Somaliamiu qanoq pineqaatissinneqassanersoq aqagu tallimanngornermi tusarliunneqassaaq. Unnerluussisup piumasaraa 29-nik ukiulik ikinnerpaamik ukiuni aqqaneq-marlunni parnaarussaassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq