Somaliami naalakkersuisut ikiuinialerput
Somaliami nunap immikkoortuani Puntlandimi inatsisinut atortitsinermut ministeri aviisimi BT-mi apersorneqarluni oqarpoq, ilaqutariit danskit piaasunit tiguagaaqqasut iperagaanissaannut suna tamaat atorlugu aamma piaarnerpaamik qanoq iliuuseqarniarlutik.
- Piaasut tiguaanerat ajuusaaarnarpoq tamannalu assuaraarput. Tiguarneqartut immikkut ittuupput, tassami piiasut ilaqutariinnik meerartalinnik aatsaat tigusarinnimmata, pisinnaasagut taamasa atorlugit ikiuunniarumaarpugut, inatsisinut atortitsinermut ministeri oqarpoq.
TV-aviisimi ippassaq aallakaatinneqartumi nalunaarutigineqarpoq, Somaliami pisortat danskit naalakkersuisuinut neqerooruteqarsimasut, danskit tiguagaaqqasut sakkutuut atorlugit iperagaanissaannut, tamannali Danmarkimit itigartitsissutigineqarsimavoq.
Danskit ilaqutariit angallatiminnik nunarsuarmik kaajalaaniartillutik Somaliap avataani Indiap imavissuani 24. februaari piiasunit tiguagaapput.
Ilaqutariit piiaasunit tiguagaaqqasut maannakkut nunaqarfimmiittut tusagassiorfiit arlaqartut nalunaarutigaat.
Tiguagaaqqasut ajunngitsut nalunaarutigineqarpoq.
