Somaliami kaannersuaqalernissaq aarleqqutigineqarpoq
Afrikap kangisissortaani Etiopiami Somaliamilu kaannersuaqalernissaa aarleqqutigineqalerpoq, inuit 7 millioninit amerlanerusut nerisassaaleqimmata.
Aviisimi Berlingske Tidendemi taama allaaserinnittoqarpoq.
Allattoq Louise M. Kleemann
juunip 05-at 2008 13:55
Ajornartorsiut annertuneruleratarsinnaavoq Etiopiami Somaliamilu panernersuaqarmat. Somaliami 1991-ip 1993-illu akornanni kaannersuaqarpoq, inuit 250.000-it toqqutigisaannik.
Kaannersuaqalersinnaanissaanik aarlerisaarisut tassaapput International Røde Kors aamma Naalagaaffiit Peqatigiit.
- Ukiut qulit kingulliit ingerlanerini aatsaat taama ajornartorsiortoqartigaaq, Røde Korsip Somaliami aqutsisua Pascal Hundt oqarpoq.
Somaliami innuttaasut 2,6 millionit, imaluunniit Somaliami innuttaasut 35 procentii, nerisassassaaleqisut Naalagaaffiit Peqatigiit maajimi nalunaarutigaat.
Somaliami aamma akersuuttoqarpoq, islamisiortut sakkulersorumatuullu allat akersuummata, soorluttaaq sakkutuut eqqissisimatitsiniartussat saassunneqartartut.
