Solarolie annertooq Kangaatsiap umiarsualivianut aniavoq
Qeqqata kommuneata qatserisartui Sisimiuneersut sisamat qulimiguulimmik Kangaatsiliartinneqarput, aammattaaq Aasianni politiit.
Uuliaalluarneq maannakkut qallorneqarpoq, naatsorsuutigineqarporlu unnuaq tikillugu qalluisoqassasoq. Kalaallit Nunaanni politimesteri tusagassiuutinut nalunaarummi allappoq, solarolie 75.000 literit missaannik annertutigísoq aniasimavoq, taassuma annersaa qallorneqarumaartoq
Qaasuitsup kommuneani qatserisartut isumannaallisaanermut pisortaat Johan Høegh Hansen radioaviisimut oqarpoq, uuliaarluarnerup qanoq annertutiginera qanorli ililluni anialersimanersoq oqaatigisinnaanagu. Solaruulia aniasoq assersorparput, qallorneqarlunilu immikkut ittunik atortoqarluni.
Uuliaalluarneq pinngortitamut avatangiisimullu ulorianartorsiortitsinngilaq, katersorneqanngitsoq silaannannguukkumaarami, Johan Høeg Hansen oqarpoq. Kangaatsiap uuliamik pilersorneqarneranik isumaginnittoq Polaroil maanna aamma Kangaatsimiititaqarpoq, uuliaarluaarnermik malinnaalluni, saliginissamillu atortunik nassarlutik.
