Sofie Petersen kuultimik nersornaaserneqartoq
Inatsisartut siulittaasuata Vivian Motzfeldtip Sofie Peterseni ukiuni kingullerni 25-ni Kalaallit Nunaanni Biskopitut sivisuumik tunniusimalluni suliaqarsimanini pillugu kuultiusumik Nersornaaserneqarpoq.
Taanna Nuummi Hans Egedep illuani februaarip aqqaneq aappaanni nersornaaserneqarpoq.
Sofie Petersen 1987-imi palasitut ivertinneqartoq, Kalaallillu Nunaata biskopeqarfiani biskopitut 1995-imi ivertinneqartoq, Inatsisartut tusagassiuutinut nalunaarutaanni allaqqavoq.
AAMMA ATUARUK Paneeraq Siegstad Munk nunatsinni biskopinngorpoq
Nersornaaserneqartoq Vivian Motzfeldimit ilaatigut ima oqalugiarfigineqarpoq:
- Taamaalillutit ukiuni 25-ni Biskopiuninni ilageeqarnermut ukiunilu kingulliunerusuni kristumiuussutsip ineriartorneranut annertuumik sunneeqataasimavutit. Ukiuni amerlasuuni atuuffinni suliarisimasatit pingaaruteqarsimaqisut unammillernartorpassuartigut assigiinngitsutigut aqqutinni siumorsimavatit, Vivian Motzfeldt oqarpoq.
Sofie Petersen 1996-imi Kunngikkormiut nersornaasiuttagaavoq Ridder Af Dannebrogitut toqqagaalluni, 2001-imi Ridder af 1. Grad af Dannebrogitut toqqagaavoq, 2002-mi sølviusumik Nersornaasigaalluni kiisalu 2014-imi Kommandør af Dannebrogsordenitut toqqarneqarluni.