Sodavandit imigassartallit akii qaffanneqarlik

Sodavandit imigassartallit nunatsinni tunisaanerisa unitsinneqarnissaanik siunnersuuteqartoqarneranut Peqqinnissaqarfimmik nakkutilliisoq Knud Brinkløv Jensen isumaqataanngilaq.

Sodavanditummi mamaqarpoq, immiaaqqamulli sanilliullugu imigassamik akoqarneruvoq. Tungusunniaannguaq soorlumi Bacardi Breezer aamma Smirnoff Ice, ukiuni makkunani inuusuttuaqqat akornanni alutorineqaqisoq.

Tamakku nunatsinni tunisaajunnaarnissaat Nuup borgmesteriata Agnethe Davidsenip siunnersuutiginiarlugu saqqummiussaqarpoq. Inuusuttuaqqat alutornarsakkanik tungusunnitsortalinnillu aalakoorniuteqartalersimanerat Borgmesterip ernumanartoqartippaa.

Peqqinnissaqarfimmik nakkutilliisup aamma imigassaq ikiaroornartorlu pillugit siunnersuisoqatigiinni ilaasortaasup Knud Brinkløv Jensenip inerteqquteqalernissaq aqqutissaasorinngilaa.

- Inerteqqutilersuissallunga nuannarisuunngilara, tamannami qularnartoqartittarpar. Aamma inuit allat soqutigisaat nuannarisaat pissanganartitaallu inerteqqutigineqaleraangata ajornartorsiornerujussuaqalersartoq nalunngilara. Inuusuttuaqqanimi imigassaq pissanganartuuvoq.

Niuertitsisut malittarisassanik eqquutsitsisaraluarput, kisiannili inuusuttuaqqat 18-leereersimasut toqqorlutik ukiukinnerusunut tunisaqartarput. Tassa imaappoq imigassamut tunngatillugu qanoq ittoqaraluarpalluunnit inatsisit unioqqutinneqartuassapput.

Knud Brinkløv tunngavilersuivoq.

Taarsiullugu politikerinut siunnersuutigaa, akileraarutitigut annertuumik sodavandit imigassartallit qaffaavigeqqullugit.

- Imigassat pineqartut inuusuttuaqqanut pinngitsuuisinnaajunnaarnissamut sangutitsiniutaapput. Kukkunissarlumi aajunaararsuusarpoq, ajornanngitsuararsuullunilu. Taamaattumik akinik qaffaanikkut pisiortoriaaseq appartinneqarsinnaavoq, tamannalu aqqutissaasoq isumaqarpunga, Knud Brinkløv Jensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat