Sodavandinik tunisaqarneruneq Nuup Ernganut sinneqartooruteqartitsivoq

2011-mut sanilliullugu sodavandinik tunisineq 5,2 %-nik qaffariartoq, immiaaqqanik tunisineq 2,8 %-nik appariartoq, taamaasilluni ukiorpanngortuni appariatornera ingerlaannarpoq.

Ajoraluartumik saftit puussaannik sanaartorfik teknikkikkut ajutoornerata kingorna, saft-inik tunisassiorunnaassaaq. Kalaallit Nunaanni sukkunut akitsusersuineq annertuallaarnera tunngavigalugu, nutarsaanissamut pisinnaanngilaq, saftinik eqqussuussaniit akitsuummik artorsaateqanngitsunit,  Nuuk Imeq tunisassiuinnarnisaminik akinik unammillersinnaanngimmat.

Nuuk Imeq puunik ataqatigimmik aaqqissussamik ingerlatseqataavoq Kalaallit Nunaat eqqiluitsuutinniarlugu. 2012-imi 98,6 % atuisuuniik puut utertitaasimapput. Aammami nalagaaffiit assigiinngitsut naleqqersuutigissagaanni avatangiisinut ajoqusiisinnaannginnermut aaqqissuulluagaq iluatinnartoq. Utertitsisarneq atuutiinnassaaq Nuuk Imeq suliassaqartitsinermi, avataangiisimut aammalu nunami aningaasaqarnermut ingerlatsinermut pitsaasumik suli akileeqataaniassammat.

Nuuk Imeq 2012-imi aalajangersimasumik atorfilinnik 48-nik sulisoqarpoq. Suliffeqarfik aalajaatsunik pikkorissunillu sulisoqarpoq tamannalu pillugu siulersuisut aqutsisunut sulisunullu suliamut pimoorullugu naammassisimasaannut qujarusupput.
Immiaaqqat sodavandit akitsuutaasa saniatigut Nuuk Imeq 2012-imi 30,8 mio kr. pisortaqarfiit karsiinnut immeeqataavoq akileraarutitigut, iluanaarutitigut sukkullu  akitsuutaatigut.

Nuuk Imeq-p 2012-imi Godthåb Bryghus immiaaqqanik maqitsissuttarpai, tassuuna suli qulakkeerneqarput nunatsinni immiaaraliat puut utertsinneqarsinnaasut atorlugit nunami namminermi pisisartunut anngunneqarsinnaanngorlugit.

Nuuk Imeq-mi aktietigut piginneqataassutsit katillugit 38,0 mio. koruuniupput,  piginneqarlutik agguanerit  36,28 % Kommuneqarfik Sermersuumit, Carlsberg Breweries A/S-ip aammalu Royal Unibrewip 31,86 %-t tamarmik immikkut piginneqataaffigineqarlutik.

Justus Hansen siulersuisut siulittaasutut qinigaasoq Kommuneqarfik Sermersuumiit taarserpaa siulittaasoq Mia Nielsen, kommunimut qinersinermi qinigassanngorteqqinngitsoq.

Siulersuisunut ilaasortat sinneri tassaapput Finn Jakobsen, Carlsberg Breweries A/S sinnerlugu, Peter Roland  Royal Unibrew sinnerlugu kiisalu Erling Josefsen aamma Nuka Ugpernangitsoq sulisut sinnerlugit.