Socialdemokratit Nunatta piumasaqaataa tapersersorpaat

Silap pissusaa pillugu isumaqatigiissuteqarnissami Kalaallit Nunaata ullumikkumiit annertunerusumik CO2-mik aniatitsinissamik piumaqataataa Socialdemokratit paasisinnaalluarpaat.
Allattoq Oline I. Olsen
septembarip 07-at 2009 10:30

Kalaallit Nunaat anigaasaqarnerminik inerisaanissamut periarfissaqartariaqarpoq tamannalu Kalaallit Nunaata Danmarkillu isumaqatigiissutigiumaakkaminni periarfissittariaqarpaat. Socialdemokratit Kalaallit Nunaat pillugu oqaaseqartartuat Mogens Jensen taama isumaqarpoq.

Nunarsuarmi nunat ineriartornermikkut inissisimanerat assigiinngilaq. Kalaallit Nunaat CO2-mik aniatitsinermut atatillugu piumasaqaataasinnaasunut tunngasutigut Danmarkimut sanilliunneqarsinnaanngitsoq isumaqarpunga.

Taamaammat Kalaallit Nunaata Danmarkillu akornanni isumaqatigiissutigineqartussami, suliffissuaqarfittut tunisassiornermut tunngasutigut Kalaallit Nunaata ineriartornermini killiffia eqqarsaatigineqartariaqarpoq.

Kalaallit Nunaata CO2-mik aniatitsinerunissani kissaatigippagu, taamatumunnga pisinnaatitaasariaqartut isumaqarpit?

Aappi, kisianni Kalaallit Nunaat soorunami aamma tapersiuteqartussaavoq kisianni aamma CO2-mik aniatinneqartussat pillugit pilersaarummi suliarineqartussami tapersiuteqartariaqarluni Kalaallit Nunaat imminut oqarfigisariaqarpoq.

Taamaammallu nunanut tamakkiisumik suliffissuaqarfiusunut soorlu Danmarkimut nunanullu Europamiittunut piumasaqaatit assingi Kalaallit Nunaannut piumasaqaatigisinnaanagit oqaatigisariaqarparput.

Taamaattumik Kalaallit Nunaata Danmarkillu akornanni isumaqatigiissutigineqartussami Danmarkip periarfissaanit aallaanerusumik Kalaallit Nunaannut periarfissiisoqarnissaa naatsorsuutigaara.

Kalaallit Nunaata ineriartornermini killiffia mianerineqartartoq isumaqarpunga.

Naalakkersuisut Siulittaasuat Kuupik Kleist aamma silap pissusaanut ministeri Connie Hedegaard tullianik septembarip 15-iani ataatsimeeqatigiissapput.