Socialdemokraatit Siumukkut erinarsuutaat atoraat

Socialdemokraatit gruppiat ataatsimiinnertik aallartikkaangamikkut ilaasortamit toqqarneqartumit erinarsuummik aallarniuteqartarneq ileqqoraat. Marlunngormallu tamanna allarluinnaavoq.
Assi © : Screendump fra videoen
januaarip 23-at 2020 17:18

- Danskit erinarsuutaannik erinarsorniarneq ilaatigut uatsinnut ajornakusoorsinnaasarpoq, taamaammat illuatungaanut maanna misiliilaassaagut.

Siumumit Aki-Matilda Høegh-Dam Socialdemokraatit sapaatip akunnikkaartumik marlunngornerm ataatsimiinneranni erinarsuummik toqqaagami oqarpoq.

Socialdemokraatit gruppiminnni ataatsimiinnertik aallartikkaangamikku erinarsuummik ilaasortamit toqqarneqartumik erinarsoqqaartarneq ileqqoraat. Marlunngormallu tamanna allaanerulaarpoq.

Siumummi socialdemokraatit gruppianni ilaavoq, Aki-Matilda Høegh-Damilu erinarsuummik siullerpaamik taasisussaavoq. Taassuma Siumut erinarsuutaannit ”Puigornikka qassioqaat” atorneqassasoq aalajangerpaa. 

 Danskit folketingimut ilaasortat erinarsuut oqqarliorlutik atorpaat Aki-Matilda Høegh-Damilu erinarsornermi siulersortaavoq.

- Danskit ministerii socialdemokraatillu gruppiata erinarsoqataanerat takullugu oqaluttuarisaanermi asseqanngilaq. Kalaallit kisimik danskit kulturiannik ilinniartannginnissaat, danskillu kalaallit kulturiannik aamma ilinniartassarnissaat pingaaruteqarpoq. Erinarsoqataalluartorujussuusoraakka!, Folketingimut ilaasortaq, Aki-Matilda Høegh-Dam oqarpoq.