Snowboardertartut USAlialersut

Kalaallit snowboardertartut pingasut USAmi unammersuarnermi peqataassamaalerput.
Allattoq Noah Mølgaard
januaarip 28-at 2011 11:27

Elite Sport Greenlandimit tapersersorneqarlutik snowboardertartut Rasmus Nielsen 19-inik ukiulik, Mikkel MK Olsen 20-nik ukiulik aamma Michael Damgaard 23-nik ukiulik USAmi unammersuarnermi 2011 Transworld Snowboarding-imi unammersuarnermi peqataassapput martsip aqqaneq aappaanni.

Snowboardertartut taakku pingasut USAliassapput februarip 21-iat unammersuartigatik sungiusaqqaassagamik.

- Transam-imi unammersuarneq ingerlanneqartarpoq unamminerit arfinillit USA-mi sumiiffinni assigiinngitsuni ingerlannerisigut naggataatigut Bear Mountainip eqqaani finalemik naggaserneqartarluni. Kikkulluunniit nalunaarsinnaapput nalunaartut siulliit 100-ut peqataanissamut akuerineqartarlutik, taama Elite Sport Greenland nalunaarpoq.

USA-meereerunik Norge-liassapput DMimut peqataajartorlutik tassangaanniillu Nuummi GM-ertunut peqataajartussapput.