TV KNR pillugu nutaarsiassat

Qillannguaq 88: Snapchatip kunngia musikvideomik saqqummersitsivoq

Senior Wowow musikvideomik nutaamik saqqummersitsivoq. Tassanilu Qillannguaq 88 Nuummiooruloortoq isiginnaartartut takusinnaavaat.

Allattoq Nutaarsiassaqartitsivik / Nyhedsredaktionen

decembarip 21-at 2017 15:53

TV-mi saqqummiisartoq Angajo Lennert-Sandgreen, Qillannguaq 88-ernisaasaartartoq Senior Wowowimeersorlu musikvideomi inuttaavoq.

Musikvideomilu nutaami youtubekkut takuneqarsinnaalereersumi, Qillannguaq 88-p Nuummiuunerminik illoqarfimminillu asanninnerminik isertuussinngilluinnartoq isiginnaartartut takusinnaavaat.

- Nuuk angerlarsimaffigaa Liverpoolimillu illersuisartoqatimi kunngeqarfiattut isigalugu, Angajo Lennert-Sandgreen musikvideomi Snapchat arnallu pillugit rapertoq oqarpoq.

- Arnat eqqartuinnaavittarpai, arnerisorli takuneqanngisaannarpoq, Angajo Lennert-Sandgreen oqaluttuarpoq.

Musikvideo ”ADD Qillannguaq”-mik ateqarpoq, Qillannguullu isiginnaartartut Snapchatimi kammaginninniarnissaat tassani kaammattuutigaa.

Senior Wowow-it tamaasa uani takukkit