Oqarasuaatip angallattakkap allakkatigut nassitsissutaa SMS inuusuttut akornanni qaninnerulersitsisarpoq, qanittumilli oqaloqatigiinnissamut akornutaalluni.
Ditte Laursen Odensep ilisimatusarfiani attaveqaqatigiinneq pillugu ilisimatusarsimasoq, ilisimatusarnerminullu atatillugu inuusuttut ataatsimoortarnerat attaveqatigiittarnerallu pillugu nalunaarusiorsimasoq, aviisimi Politikenimi taama issuarneqarpoq.
Sapaatip-akunnerini arfinilinni misissuinermini, inuusuttuaqqat arfinillit 14-inik 15-inillu ukiullit SMS-imik atuisarnerat malinnaaffigisimavaa, paasisimallugulu inuusuttut akornanni SMS-imik atuisarneq ajornartorsiutinik pilersititsisanngikkaluarluni inuusuttut toqqarlutik oqaluunnissaraluamut akornusiisartoq.