SMS-ikkut asulersuaq kalerrisaarineq

Angut Norgimiu, Danmarkimi feeriartoq, meeqqani pingasut ilagalugit angallammik angalaartillugu, meeraasa ilaata angunni uumitsaateriaramiuk arnani Norgimiittoq sms-ikkut nalunaarfigaa, ataatani umiatsiap naqqani artuleqqanerarlugu.

Arnaa tupaqqaqaluni Jyllandip Avannaani politiinut sianerpoq. Politiillu ingerlaannarlutik ilaatigut qulimiguulik atorlugu annaassiniarneq aallartippaat.

Kisianni asulersuaq annaassiniartoqarpoq. Tassami meeqqat angutaat aalakuunngivissoq ajortoqanngitsorlu paasinarsimmat. Politiit annaassiniaraluarneq qanoq akeqarnersoq oqaatigisinnaannginnerarpaat, kisianni akikitsuinnaagunanngilaq. Tassami qulimiguullip qangattartinnerinnaa 50.000 koruunit missaannik akeqarnerarpaat.

Taamaattorli ilaqutariit Norgimiuusut akiliisinneqarnavianngillat. Kisianni nukappiaraq angumminik uumitsaassisimasoq naveerserujussuartoq, Danmarks Radiumit oqaatigineqarpoq.

Naveerneqarnissaami pissusissamisoorluinnarpoq, asuliinnarmi sms-ikkut nassiussisarneq ileqqussaanngilaq...