SMS Festivali iluatsilluartoq

Saqqaq Midnight Sun Festival, naatsunngorlugu SMS festivali-mik taaneqartartoq, sisamassaat Saqqami ingerlanneqartoq iluatsilluartoq silamillu nalaarsiviulluartoq SMS Festival komitémi siulittaasoq Jonas Jensen oqarpoq.

Ukioq manna festivalertitsinermi nutaarsiassatut peqataasunut igaariartitsisoqarpoq.

Saqqamiit 15-20 kilometer-it missaani ungasissusilimmut Tartunamut, Saqqarmiut piumassutsiminnik peqataasunut akeqanngitsumik umiatsiaassinerisigut, peqataasut nuannisavissorlutik. Jonas Jensen oqarpoq.

Siornatigumut sanilliullugu peqataasut ukioq manna amerlanerupput, naallu atuarfik ineqarfittut ukioq manna atorneqarsinnaanngikkaluartoq, Saqqamiut inissanik akeqanngitsumik atukkiinerisigit inissaaruttoqanngilaq.

Festivalernermi peqataasunut misiligassat assigiinngillat, tassani inuttut saqqummersinnaaneq imminullu tatiginerulernissaq anguniarlugu saqqummersinnaanermut assigiinngitsunik misigaaffiulluni.

Piumassutiminnillu Nipilersortartut, isiginnaartitsisartullu arlallit aamma takkussimapput ilaatigut Ilulissaniit Rap-ertoqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat