Sms atorlugu piniartut tapersersorneqarput

Mobiltelefonit sms-ii atorlugit piniartortatsinnut puisillu amiisa tunisaanerannut illersuineq sapaatit akunneri kingulliit nalunaarut nunatsinni mobilinut atuisut akornanni ingerlaarpoq:

Piniartortatta amernik inuuniutaannut atatillugu tapersersuinerput takutittariaqarparput. Sap .ak. una ingerlasoq puisip amiinik oqorsaateqaruit atukkit, paasitillugu piniartortavut tapersersoratsigik.

Nalunngisannut ingerlatitsiit.

Nalunaarummik taama allassimasumik nassitsittut ilagaat Carl Christian Olsen, Oqaasileriffimmi pisortaasoq ICC-milu siulersuisunut ilaasortaq.

Carl Christian Olsen-ip, Pujup nalunaarummik nassitsikkami ingerlatsiseqqinnini ima tunngavilersorpaa:

- Ikinngutinniit nasiunneqarmat ingerlateqqippara siunertaa tapersersorakku, tassami uagut iniattut soqutigisavut kulturikkullu kingornussassiatsinnut tunngaviusoq oqariartuummi aallaaviummat, Carl Christian Olsen oqarpoq.

Carl Christian Olsen oqarpoq maannakkut piffissanngortoq qulartunut saqqummeriartortunut akerliunerput takutittariaqaleripput:

- Akerlilersornissaat erseqqisssumik siunniuttariaqalerparput, nalunngilarpummi partiit ilaanniit aammalu Namminersornerullutik Oqartussat allaafissuani qulartut ilaatigut issiasut, kisianni uagutsinnut inuiaassutstinnut illersuisunut taakku apeqqutaasussaanngillat, Carl Christian Olsen oqarpoq.

Carl Christian Olsen isumaqarpoq kulturikkut tatisimaneqariartornerput ataatsimoorullullugu pakkersimaneqarsinnaanerat illuatungilerneqartariaqartoq.

- Avataaninngaaniit, soorlu Danmarkimi uumasunik illersuiniaqatigiiffiit allaffimmut ingillutik nunatsinnut ajortisaarisut unitsinneqartariaqarput, taakkumi

soqutiginngivippaat oqaatsit assilissallu uagut inuiassuserput allarluinnangorlugu avammut saqqummiussussallugu, Carl Christian Olsen oqarpoq.

Radioaviisimi paasisinnnasimanngilarput oqariartuummut kina aallarniisuunersoq.