Sms atorlugu katersuiniarneq iluatsilluartoq
Haitimi nunap sajunnerata kingorna eqqugaasunut afrikamilu arnat ikiorniarlugit Danmarkip Radioata arfininngormat nuna tamakkerlugu aningaasanik katersuiniartitsinerani, nunatsinnit sms atorlugu tapiissutigineqartut 10.000 koruunit sinneqarput.
Allattoq Jaaku Lyberth
Danmarkimi nuna tamakkerlugu katersuiniartitsisoqarnerani nunatsinnit toqqaannartumik sms atorlugu tunissuteqarsinnaaneq siullermeerlugu atorneqarpoq, siunissamilu periarfissap taassumap atorneqarnissaa naatsorsuutigineqarsinnaasoq, Tele Greenlandimi paasissutissiisartoq Malînánguaq Marcussen Mølgård oqarpoq.
- Tullissaanik katersuiniartoqalerpat periarfissaq taanna atorneqarsinnaasoq maanna paasivarput, Malînánguaq Marcussen Mølgård oqarpoq.
Qallunaat katersuiniarnersuani 130.662.190 koruunit isertinneqarsimapput.