Smartphonet illersuuteqanngitsut ajorteqqajaanerusarput
Inuit amerlaneruleraluttuinnartut oqarasuaammik angallattakkamik peqarunnaarlutik Smartphonetaartarput.
Ikitsuinnaalli virusinut allanullu ajoqutaasinnaasunut illersuusernissaa eqqaamasarpaat. Amerlanerimmi naluaat qanoq illersussallugu, taamaattumillu Smartphonet ajorteqqajaanerusarput.
- Oqarasuaataannaanani qarasaasiaaranngornikuusut eqqarsaatiginissaa pingaaruteqarpoq, naalagaaffiup qarasaasiat ajoquteqalernissaannut aallerisaarinermik ingerlatsiviani, DK Cert-imi, pisortaq Shehzad Ahmad taama oqarpoq.
Applikationit, oqarasuaatinut angallattakkanut ilanngunneqarsinnaasut, ajortut ajornanngitsunnguamik sequtserisinnaasut, qarasaasianut paasisimasalittut allatulli aarlerisaarivoq.
- Smartphonenik sequmiisinnaasunik kode-nik peqarpoq. Ahmad oqarpoq.
Tamakku ajoqutaasinnaasut 2000-kkunni qarasaasianut ajoqutit annersarissagaat qarasaasianut paasisimasallit oqarput, Børsen taama allappoq.
- Sissuertariaqarpugut taamaaliunngikkutta ajornartorsiut annertoorujussuanngorsinnaammat, Ahmad oqarpoq.
Taamaammat pingaaruteqarpoq nutaamik smartphonetaaraanni virusinut illersuutip atornissaa eqqaamassallugu, applikationinillu tuniniaasumit nalunngisaminngaanneersuinnaat ikkussornissaat aamma pingaaruteqarpoq, Ahmad oqarpoq.
