Small Time Giants iTunesimi nuannarisaapput
Small Time Giants saqqummersitaat ilaatigut Rasmus Seebachimiit tunisaanerugallarpoq. iTunesimi pisiarineqarsinnaavoq.
- Qaammatialuit kingulliit suliatta saqqummiunnissaanut qilanaarnikooqaagut. Aarhus Lydstudiemi immiussagut, USA-mi Roger Siebelimit nipigissartippagut, Mike Jensen Small Time Giantsimi erinarsortoq, KNR.gl-imut allappoq.
Small Time Giants-ikkut singeliliaat "Heart Shaped Pillow" saqqummermat immiussiffigisimasaat, Aarhus lydstudiet, KNR.gl-imut oqaluttuarpoq nipilersoqatigiit nunatta avataani nalunnginneqalersinnaanerat takorloorneqarsinnaasoq, nipilersoqatigiit immikkuullarissuummata.
Asger Christensenip, Aarhus lydsstudiet-mi piginnittup aamma oqaatigaa, nipilersoqatigiit inuusullutillu aatsaat aallartilaartut, nipilersortartutullu ineriartoqqinnissaat qularinagu.