Small Time Giants aamma Nanook Danmarkimi tusarnaartitsilersut

- Aasianni Nipiaa Rock Festivalertoqarnerani nereqatigiilluta Danmarkimi angalaqatigiilluta tusarnaartitseqattaarsinnaanerput eqqartorparput. Tamatta naammassisaqarusuttuuvugut. Ullorlu taanna assiliseqatigiippugut isumassarsiattalu piviusunngortinnissaa sulissutigilerlugu. Maajimilu tassa piviusunngortussanngorpoq, nipilersoqatigiit Small Time Giants erinarsortuat, Miki Jensen, taama oqaluttuarpoq.

 
Nanook kalaallisut pop-rockimik Small Time Giantsilu tuluttut post-rockimik nipilersoriaaseqaraluarlutik Kalaallit Nunaata oqaluttuassartaani pisimasut pisussallu nipilersoriaatsiminni aallaavigaat nunarsuullu annersaani tusarnaartitsisarsimallutik.
 
 
Nipilersoqatigiit Danmarkimi tusarnaartitsiffissaat:

• 7. maj – Studenterhuset, Aalborg
• 8. maj – HeadQuarters, Aarhus
• 9. maj – Loppen, Christiania
• 10. maj – Nordatlantisk Hus, Odense 

Angalaneq Kulturkontakt Nords Mobilitetsprogramimit Greenland Travelimillu aningaasaliiffigineqarpoq.