Slovakiamiut umiarsuaataat kinngummat maqaasineqartut suli ujaaraat
Slovakiamiut umiarsuaataat attartugaq Danmarkimi Gedserip avataani Østersømi ippassaq kinnguvoq, angutillu arfinillit arnarlu ataaseq suli ujaarineqarput.
oktobarip 29-at 2007 10:51
Umiarsuarmi attartukkami inuttat maqaasineqartut aqqartartut suli nassaarinngilaat, umiarsuullu usiusaavata saamiatungaa suli immap ataaniippoq.
Maqaasineqartut umiarsuup iluani silaannaqarfinniissinnaanissaat ilimagineqarsinnaavoq. Taamaammallu aqqartartut ujaasinerminni naalaartaatinik aamma atortoqarnialerput, nipisiassaqassasoralutik.
Umiarsuaq attartugaq umiartortunik tyrkiamiunik aqqanilinnik inuttaqartinneqaraluarpoq. Angutit pingasut 19-iniit 24-t tungaannut ukiullit annaanneqareerput. Mistali maskiinalerisoq ajunaarsimasoq ippassaq nassaarineqarpoq.
