Slettemark kingulliulluni apuuppoq
Canadami Vancouverimi Nunatsinniit peqataasoq, ajugaasumiit minutsinik 13-inik kingulliulluni apuuppoq, peqataasunit 88-iusunit kingullersaalluni. Ooqattaasarnera kingumut ajutoorpoq: Slettemarkimi 20-eriarluni igikkami arfineq-pingasut uniorpai.
- Arfineq-pingasoriarlunga uniorama, tamanna minutsinik arfineq-pingasunik naleqarpoq, taamaammat samungarujussuaq pivunga, Øystein Slettemark oqarpoq.
Sukkasuumik arpalluni 10 kilometerimut Slettemark sapaatiummat unammigami kingulliit pingajuattut aamma apuuppoq. Angusarissaanngikkaluarluni sisorarluni ooqattaasartartup, 42-nik ukiullip, OL-imut peqataanini nuannersumik eqqaavaa:
- OL-imut peqataasoqarsinnnaavoq, taamaatiinnartariaqanngilaq, ingerlaqqittariarlunili, tamanna Kalaallit Nunaanni innuttaasunut takutikkusuppara, Øystein Slettemark oqarpoq.
Ippassaq unamminermi Norgemiu Emi Hegle Svendsen ajugaavoq, Norgemiu alla Ole Einar Bjørnedalen Hvideruslandimeersoq Sergey Novikov peqatigalugu ajugaasup tulliatut inissippoq.
