Skånemi suliffissaaleqisorpassuupput

Sverigemi nunap ilaani Skåne-mi suliffeqanngitsut nunaminni suliffittaarsinnaanngippata pinngitsaalillugit Danmarkimi sulisinneqarsinnaanngortut, Ritzau-ip nutaarsiassaqartitsiviani allaaserineqarpoq.

Svenskit suliffissaaleqisut Danmarkimi suliffittaarnissaminnik neqeroorfigineqaraluarlutik piumanngippata suliffeqanngitsutut aningaasat ikiuutisiaat arsaarinnissutigineqartalissapput.

Taamatullu Sverige-mi aaqqiisoqarnera eqqartuussivik aqqutigalugu aaqqitaavoq, upernaarlu aallartinneqarluni.

Erseqqissaatigineqarporli suliffissaaleqisumik pinngitsaaliilluni suli Danmarkiliartitsisoqarsimanngitsoq. Siunissamili tamatuma peratarsinnaanera ilimanartoq Sverigemi suliffissaaleqineq pillugu avammut tusarliisartoq, Carl-Axel Sandén oqarpoq.

- Skåne-mi suliffissaaleqisorpassuupput, taakkulu Danmarkimi sulinissaminnut soqutiginnipput, allaaserineqartuartarpormi danskit suliffeqarfiini sulisitsisut sulisussaaleqeqisut, Carl Axel Sandén naggasiivoq.