Skuunik milloorneq ileqquliunneqarpoq
Kinami ministeriuneq, Wen Jiabao, Tuluit Nunaanniinnermini Cambridge University-mi ullumi oqalugiartillugu akerliussutsimik takutitsiniartup skuuminik miloriaraluarpaa. Skooq miloriussaa Kinami naalakkersuisut siulittaasuata eqqannguanut tuppoq.
Nunarsuatsinni aningaasaqarniarnerup ilungersunarsinera pillugu Wen oqalugiartillugu, akerliussutsimik takutitsisoq suaartarpoq, qanoq ililluni kisermaassilluni naalakkersuisoq taanna ilisimatusarfiup maniguutiinnarfigisinnaaneraa. Akerliussutsimik takutitsisoq siggartaammik siggartarlunilu suaartarpoq, qanoq ilillutik inuit inuk salluinnarnik oqaluttoq tusarnaaginnarsinnaanerat apersorluni.
Akerliussutsimik takutitsisoq kitaamiorpasissoq, ilisimatusarfiup isumannaallisaanermut sulisuinit ingerlaannaq qimagunneqarpoq.
Wen Jiabao-ip Europami ulluni tallimani angalanermini Tuluit Nunaat kingulliullugu aqqusaarpaa.
