Skotlandimi ministeriuneq, Nicola Sturgeon taassumalu partiia SNP, sisamanngornermi inatsisartunut qinersisoqarmat ajugaapput, partiilu De Grønne Skotlandimi inatsisartuni amerlanerussuteqalerlutik. Assi: Russell Cheyne/Reuters/Ritzau Scanpix

Skotlandip namminiilivinnissamik taasisitsiniarnera Londonimi isumaqatigineqanngilaq

Skotlandimi inatsisartunut qinersisoqanerata kingorna ministeriuneq Nicola Sturgeon nutaamik innuttaasunik taasisitsinissamik suliniuteqarpoq.

Skotlandimi inatsisartunut qinersinermi inatsisartunut qinigaasut kisinneqarnerisa kingorna, Skotlandip Tuluit Nunaannit avissaarnissaanut nutaamik innuttaasunik taasisitsinissaq Skotlandimi ministeriunerup Nicola Sturgeonip sulissutiginiarpaa.

- Neriuppunga Skotland namminersulertissallugu, Nicola Sturgeon tuluit nutaarsiassaqartitsivinnut BBC-mut sapaammi taama oqarpoq.

Ministeriunerup Sturgeonip partiita, Skotlands Nationale Parti SNP, inatsisartuni qinersinermi ajugaavoq, qinersinermi kisitsisit arfinngornermi saqqummiunneqartut tamanna takutippaat.

Skotlandimi inatsisartut 192-nik ilaasortaqarput, taakkunanngalu SNP 64-nik ilaasortaatitaqalerpoq.

Johnson taasisitsinissamut itigartitsivoq

Skotlandimiunut ajornartorsiutaalerpoq, innuttaasunik taasisitsinissaq Tuluit Nunaanni naalakkersuisuinit akuerineqartussaammat.

Tuluit Nunaannilu ministeriunerup konservatiivineersup Boris Johnsonip taasisitsinissaq akuerinagu.

Taamaakkaluartoq Skotlandimiut tunniutiinnanngillat.

Sturgeon: Ataqqinninnginneq 

- Innuttaasunik taasisitseqqiinissap itigartinneqarnissaanut tamat oqartussaaqataanerannik tunngavissaqanngilaq Sturgeon sapaammi unnukkut ajugaalluni oqalugiarami taama oqarpoq

Sturgeon BBC-mut oqarpoq, Skotlandimi innutaasut taasitinneqarnissaannut Tuluit Nunaanni naalakkersuisut itigartitsiinnavissinnaanngitsut.

Skotlandimiut tamat oqartussaanerat naapertorlugu kissaateqarnerannik ataqqinninnginnermik naalakkersuisut konservativiusut takutitsipput.

Boris Johhson akissuteqarluni oqarpoq, SNP-ip nutaamik innuttaasunik taasisitsinisamik anguniagaqarnera akisussaassuseqannginnerarpaa soqutigittaannerarlugulu.

Boris Johnson Sturgeonimut allagaqarpoq kaammattorlugulu, suleqatigiinnissamik, Tuluit Nunaat suleqatigiittumik taallugu.

Skotlandip Tuluit Nunaannit avissaarluni namminersulernissaa pillugu Skotlandimi innutaasut 2014-mi taasitinneqarput. Taamanikkut taasisitsisoqarnerani 55 procentii tuluit nunaannut ataannarusullutik taasipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat