Skotlandimiut atequtiliortartut ernumanartorsiorput
Soormita? Skotlandiumiut angutit atortagaanni, ateqummi, nalliuttorsiornermi atorneqartartumi, pisatat ilagaat aningaasiveeraq puisip amianik sanaajusartoq.
Atequtinik sanaartortartut maanna annilaangassutigilerpaat, qangali pissutsit malillugit atequtit mersorneqarsinnaajunnaarnissaat, amminillu allanik nassaassarsiortariaqalernissartik uippalliutigigalugu.
Skotlandimi atisaliortartut ajornartorsiutaat canadami naggueqatitta inuit piniartut tusaramikku nuannaajallaqaat, tassami akissarsiutigisinnaasaminnik takusaqaramik, aviisi Sydney Morning Herald allappoq.
Puisit amii Canadameersut Europamut eqqusseqqusiunnaarnissamut ilaanngillat, tamannalu pissutigalugu Canadami inuit Skotlandimiunut isumaqatigiissusiorsimapput puisit amiinik tunisisarnissaminnut.
Skotlandimiut qangali pissusitoqqami tammartinneqannginnissaannut annaanneqaramik nuannaajallaatigeqaat - apeqqulli ataaseq suli maannamut akissutissarsineqanngilaq, tassalu paasissallugu skotlandimiut angutitaasa ateqummi ataani ilupaquteqarnersut.
