Skotlandimi aningaasaqarnermut ministeri tunuartoq
Skotlandimi aningaasaqarnermut ministeri, Derek Mackay, angummut inuusuttumut 16-nik ukiulimmut nalunaarutinik hundredelikkaanik nassitsisimasutut unnerluutigineqarnermi kingorna ministeritut tunuarpoq.
Derek Mackay tunuarnerminik nalunaaruteqartoq, Tuluit Nunaanni nutaarsiassaqartitsiviisa BBC-ip Sky Newsillu allaaseraat.
Skotlandimi aviisimi The Sunimi allaaserineqartoq naapertorlugu, ministerip angut inuusuttuoq inuit allaqatigiittarfiatigut Facebookikkut Instagramikkullu 270-eriarluni allaffigisimavaa.
42-nik ukiulllip Dereck Mackayip Skotlandimi Nationalpartiimeersup (SNP) angut inuusuttoq inequnarnerarsimallugulu nereqatigiinnissamut qaaqqusimavaa rugbymillu unammisunut isiginnaariaqatiserisimallugu, aviisi Sky News taama allaaserisaqarpoq.
Mackay torinngitsuliorsimalluni nassuerlunilu angummut inuusuttumut inunnullu ajuallatsissimasaminut utoqqatserpoq. Tuluit nutaarisiassaqartitsiviat BBC taama allaaserisaqarpoq.
Ministeri Skotlandimi ukiumut tulliuttumut aningaasaqarnermut inatsimmik sisamanngornermi saqqummiinissaminut nalunaaquttap akunneri arlaqanngitsut sioqqullugit tunuarpoq.
- Naalakkersuisut kiffartuullugit immikkut pisinnaatitaaneruuvoq, aliasuutigaaralu suleqatikka tapersertortikkalu pakatsisissimagakkit, Reuters naapertorlugu Derek Mackay tunuarnerminut atatillugu taama oqarpoq.