Skotland-imi inuiattut pingaartitsisut naalakkersuisunngoriaannapput

Ullumikkorpiaq Tuluit Nunaanni kommuneni qinersisoqarpoq.

Skotland-imi – aamma inatsisartunik qinersisoqarpoq –

Inuiaassutiminnik pingaartitsissut partiiat annerpaartanngorniarunarpoq.

Qinersineq skotland-imi politikeqarnerup tungaatigut annertuumik kinguneqartussaavoq.

Taama oqarpoq; professor, Henrik Haldkiær, Aalborg-ip Universitet-iani, skotland-imut nunaminni politik-iat pillugu ilisimasalittut doktor-inngorniutigalugu allaaserisaqarsimavoq.

Massakkumut qinersineq taama isikkoqartillugu soorluuku inuiaassutsiminnik pingaartitsisut nationalist-it Skotland-ip inatsisartuini ajungaasuuniarunartut. Kikkulli naalakkersuisunngortitsissanersut qinersereernerup kingorna aatsaat paasinarsisussaassaaq kikkut suleqatigiilerniarnersut aalajangiisuusussaammat.

Inuiaassutsiminnik pingaartitsisut ajungaagaluartut imaassinnaavoq partiit allat kattussuunnermikkut amerlanerusuteqalersinnaasut tassaassut; Labour, Konservative kiisalu Liberal-it partiaat imaluunniit inuiaassutsiminnik pingaartitsissut nationalist-it partiit minnerit ilaat liberal-it qangarsuarli namminersulivinnissamik suliniuteqartut suleqatigiler-nerisigut naalakkersuisunngortitsisut. Kiisalu taakkua naalakkersuisunngortitsissagaluarpata taamaaliniaru-narmatami taava qularnanngitsumik kingusinnerusukkut Skotland-ip Tuluit Nunaanut atajunnaarluni namminersulivinnissaa innuttaasunut taasissutigineqanngittoornavianngilaq namminersulivissanerlutik imaluunniit naamik.

Skotland-imiut qangarsuarli namminersulivinnissartik pingaartillugu oqallisigisarsimavaat inuiaassutiminnillu pingaartitsisut naalakkersuisuulissagaluarunik Skotland-imi innuttaasunut qanoq sullaritsiginertik uppernarsillugu takutittariaqarpaat kiisalu Skotland-imi arlaannik naalakkersuinikkut ajortoqaraangat tuluit nunaata akulerisimassussia pisuutitsissutigisartussaassavaat.

Taama oqarpoq; professor; Henrik Haldkiær DR-mut.