Skemat allanngorarnerat atuartut malugaat

Atuarfitsialammi skemat allanngorartut eqqukkiartuaarneqarneri meeqqat atuarfimmi malinnaaniarnerannut ajornartorsiortitsipput.

Nuummi atuarfiit ilaanni Kangillinnguit Atuarfianni atuartut ilaasa skemaat ukiup aallartisimalerneraniit aalakkaajunnaarput, tamannalu paatsiveerunnermik kinguneqartoq angajoqqaat atuartuutillit oqarput. Angajoqqaaq Kangillinnguat atuarfianni atuartuutilik Bikki Jeppsen ima misigisaqarsimavoq:

- Malugisimavarput ukiup affaata matuma ingerlanerani, skemat assigiinngitsut panitta angerlaattarai, taavalu aperigaanni ”qasinuussavit?”-”naluara” akisarluni. Bikki Jeppsen-ip panni ilinnigassaqarnersoq apersortaraluarsimavaa.

- Naaggaartuaannarpoq. Tupigusuttarpunga atuakkerassaqarneq ajormat.

Skemat allanngoralernerat angajoqqaatut toqqisisimanannginnerarpaa:

- Isumaqarpunga allamut nooqattaarlutik nooqattaarlutik atuarnerat atuartunut peqqinnanngitsoq nuanneranilu. Bikki Jeppsen meeqqami suut atuareersimassanerai aperineqarami naaggaarpoq.

Angajoqqaap allap Kangillinnguit Atuarfianni atuartuutillip, Aalunnguaq Olsen-ip allanngorartunik skemaqartitsilerneq ima misigisaqarfigisimavaa:

-Siullermik allakkatigut nalunaarutigivaat annertunersumik imatut imaqanngitsumik. Tassunga atatillugu naatsorsuutigisimagaluarparput angajoqqaat qaninnerusumik attavigineqassasut ilisimatinneqassasut, kisiannili tamanna pisimanngilaq.

Skemat allanngoralernerat Aalunnguaq Olsenikkut atuartuutaata malugisimavaa.

- Allanngortoqarnera malunnarpoq, ilaatigut malinnaaniarneratigut, aammali atuagassanik piffissami siullermi puigortalerneratigut assigiinngitsutigullu. Siullermillu toqqaannartumik oqarpoq ”Aasit ullunaasiit skemagut allangorput”. Allanngorarpallaarneri namminneq naammagittaalliutigisarpaat.

Kangillinnguit atuarfianni pisortaq Johanne Olsen oqarpoq skemanik allanngorartunik aaqqissuussineq ilinniartitsisut sulinermut isumaqatigiissutaannik tunngaveqartoq, atuutsinniarnerali aamma imaannaasimannginnerarpaa:

- Juullip qaangernera qaammatini pingasuni misilipparput alloriarfiit aappaanniittut assigiinngiiaartunik skemaqartillugit. Tassani malunnarsimavoq ilinniartitsisunut atuartunut aammalumi angajoqaanut ajornakusoorsimasoq malinnaaniarneq. Aatsaavissuaq tamanna misilikkatsigu uagutsinnut ajornakusoorsimavoq pitsaassusaa takussallugu. Kisianni misilittakkagut tunngavigalugit siunissami sungiutikannerlugit taama ingerlanissarput ajornannginnerusimassangaluarpoq.

Kangillinnguit Atuarfianni atuartut skemaasa sapaatip akunnikkaarlugit allanngorartinneqarnerat qimanneqaqqippoq, taarsiullugu sapaatip akunneri aqqanilikkaartumik skemaliortoqartalerluni.

Allanngorartunik skemaqartitsineq Kangillinguit atuarfianniinnaanngitsoq atuarfinnili allani annerusumik minnerusumilluuniit atorneqaleriartorpoq, ilutigalugulu qarasaasiakkut aaqqissuussaanera ukiumi atuartitsiviusumi tullermi ataatsimoorussamik ingerlanneqalissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat