Skattekortit nassiunneqarsimasut ilaat kukkuneqartut

Kukkusumik naatsorsuisoqarsimammat, innuttaasut ilaasa akileraarutissaannut procenti qaffasippallaarpoq.

- Atortorissaarutip nutaap atulersinneqarneranut atatillugu teknikikkut kukkuneq ajuusaarnartoq matumani pineqarpoq. Akisussaaffik soorunami uanniippoq – akisussaaffillu tamanna tamakkiisumik tiguara. Akileraartarnermut Aqutsisoqarfiup kukkuneq nassaariniarlugulu aaqqinniarlugu ulapputigaa – taamaalilluni innuttaasut eqqorneqartut sapinngisamik piaarnerpaamik skattekortimik nutaamik nassinneqarsinnaaqqullugit, Vittus Qujaukitsoq aningaasaqarnermut naalakkersuisoqarfiup tusagassiuutinut nalunaarutaani oqarpoq.